کراچی (رپورٹ: ذیشان حسین) کراچی کے علاقے لانڈھی میں لیبر اسکوائر کے قریب فائرنگ کے واقعے میں ایک شخص کے جاں بحق جبکہ دو افرد زخمی، ذرائع نے بتایا کہ مقتول کی شناخت عارف کے نام سے ہوئی ہے، جس کی لاش ہسپتال منتقل کردی گئی۔ پولیس کا کہنا ہے کہ یہ واقعہ دو گروپوں کے درمیان جھگڑے کے دوران پیش آیا، جس کے دوران تین افراد زخمی اور ایک ہلاک ہوگیا۔ ریسکیو اہلکاروں نے دونوں زخمیوں کو طبی امداد کے لیے ہسپتال پہنچایا جبکہ متوفی کی لاش کو بھی ہسپتال منتقل کردیا گیا ہے۔ پولیس کا کہنا ہے کہ جھگڑے کی اطلاع ملنے کے بعد پولیس اور رینجرز جائے وقوعہ پر پہنچے تاہم سیکورٹی اہلکاروں کے پہنچنے سے قبل نامعلوم افراد نے دو دکانوں اور گاڑیوں کی کھڑکیاں توڑ دیں۔
