کمالیہ (ایڈیٹر نیوز آف پاکستان ۔ ڈاکٹر غلام مرتضیٰ) سیاسی و سماجی شخصیت چوہدری سرور نور نے وزیر اعظم پاکستان شہباز شریف سے اپیل کرتے ہوئے کہا ہے کہ وطن عزیز پاکستان کا نام تجویز کرنے والی شخصیت چوہدری رحمت علی کا جسد خاکی دیار غیر میں امانتاً دفن ہے اسے وطن عزیز لانے کے لئے ہماری جدوجہد کو عملی جامہ پہنانے میں اپنا کردار ادا کریں۔ میں نے اس سلسلہ میں حکومت برطانیہ کے مطلوبہ تمام کوائف مکمل کئے ہوئے ہیں اب صرف پاکستانی حکومت کی جانب سے حکومتی سطح پر انتظامات باقی رہتے ہیں جو کہ موجودہ وزیر اعظم شہباز شریف کر سکتے ہیں۔ ان خیالات کا اظہار سیاسی و سماجی شخصیت چوہدری سرور نور آف UK.(محرک جسد خاکی چوہدری رحمت علی) نے سنیئر صحافی پریس کلب کمالیہ محمد ندیم خان سے ٹیلی فون پر خصوصی گفتگو کرتے ہوئے کیا۔ انہوں نے مزید کہا کہ چوہدری رحمت علی کا جسد خاکی وطن عزیز واپس لانا میری زندگی کا وہ مقصد ہے جس کے حصول کے لئے میں اپنے تمام وسائل بروئے کار لا چکا ہوں اور اس کے لئے اپنی تمام عمر وقف کر دی ہے۔ اب اگر حکومت پاکستان اس معاملے کو سنجیدگی سے لیتی ہے تو پھر جلد ہی چوہدری رحمت علی کا جسد خاکی وطن عزیز لایا جا سکے گا۔ میری وزیر اعظم پاکستان میاں شہباز شریف اور وزیر داخلہ محسن نقوی سے گزارش ہے کہ چوہدری رحمت علی کا جسد خاکی پاکستان لانے کے حوالہ سے مجھے فوری طور پر این او سی جاری کیا جائے۔