حکومت بارشوں سے ہونے والی گندگی کیچڑ اور کچرے کے ڈھیروں اور نالوں کی فوری صفائی اور شہرے میں جراثیم کش اسپرے کیا جائے۔ حافظ احمد علی

کراچی (رپورٹ: ذیشان حسین) جمعیت علماء اسلام کے مرکزی ڈپٹی جنرل سیکٹری حافظ احمد علی، مولانا اقبال اللہ، مفتی عابد نے اپنے ایک بیان میں کہا ہے کہ حالیہ بارشوں میں کراچی شہرمیں ہونے والی تباہی کے پیش نظر حکومت فی الفور عوام کو رلیف فراہم کرے اور متاثرین کو مالی امداد فراہم کرے جو لوگ بے گھر ہوگئے ہیں انکی رہائش کا مناسب انتظام کرے ریاست کی زمہ داریوں میں یہ بھی شامل ہے کہ قدرتی آفات میں عوام کے تحفظ کو یقینی بنائے جان مال کے تحفظ میں اپنا کردار ادا کرے عوام کے پاس موجودہ وقت میں نا رہنے کی جگہ بچی ہے اور نا اپنا بچا کچا سامان کو محفوظ کرنے کے لئے کوئی جگہ ہے اور نا خرد و نوش کا سامان ہے حکومت اپنی ذمداری کا مظاہرہ کرے اور متاثرین کی امداد کے لئے حکمت عملی مرتب کرے اور تمام اداروں کو اس کام میں فعال کرے، بارش کی موجودہ صورت حال حکمرانوں کے منہ پر طمانچہ ہے، حکومتی اہلکاروں کے دعوے عوام کے سامنے بے نقاب ہوچکے ہیں، کے الیکٹرک کی نااہلی کئی علاقوں میں کئی کئی گھنٹے بجلی غائب ضعیف، بیمار افراد اور معصوم بچے بلبلا اٹھے بلکہ کئی انسانی جانیں بھی گئی لیکن کسی کے کان پر جوں تک نہیں رینگی، کراچی شہر جو ایک وقت روشنیوں کا شہر کہلاتا تھا لیکن آج اپنی زبوحالی کی بنا پر کسی مسیحا کا منتظر نظر آتا ہے ریاستی حکمرانوں کے موجودہونے کے باوجود پاکستان کا سب سے بڑا شہر اور ریاست کو اسی فیصد ٹیکس ادا کرنے کے باوجود بنیادی ضروریا ت کے لئے کسی مسیحا کا منتظر ہے۔

مزید پڑھیں: کورنگی ندی کراسنگ پر اوور ہیڈ برج بنانے کا فیصلہ عوام کیلئے خوش آئند ہے۔ پی ٹی آئی رکن سندھ اسمبلی راجا اظہر

کراچی کے شہریوں کو پینے کا صاف پانی تک میسر نہیں ہے، معیاری تعلیم کے لئے سرکاری سطح کا معیاری تعلیم اداراہ قائم نہیں کیا جاسکا، صحت کا یہ عالم ہے کہ ہسپتالوں میں ادویات تک میسر نہیں بلکہ بعض ہسپتالوں میں عملہ تک موجود نہیں، ارباب اقتدار صرف ریاست کے حکمران بنے ہوئے ہیں اور ریاست کو اغیار کے رحم کرم پر چھوڑا ہوا ہے، یہاں تک کے نالوں کی صفائی کے لئے بھی حکومت رفاہی اداروں کی مدد لے رہی ہے، صفائی اور ترقیاتی بجٹ صرف اسمبلیوں میں پیش کرنے کے لئے ہے اس کے بعد یہ بجٹ کس کس کی جبیب میں جاتا ہے کچھ علم نہیں، حکمرانوں نے اپنی روش نا بدلی تو عوامی انقلاب ان سب کو بہا کر لے جائیگا۔

اس موقع پر جمعیت علماء اسلام سندھ کے امیر پیر عبدالمنان انور نقشبندی، سیکٹری اطلاعات مفتی عابد، جمعیت علماء اسلام کراچی سرپرست اعلی ٰ پیر لیاقت علی شاہ، جنرل سیکٹری علامہ مولانا حماد مدنی، قاری عبدالوہاب انقلابی، مفتی ظل الرحمن، مفتی محمد نقشبندی قاری لیاقت رحمانی، خواجہ احمد یار خان، حافظ ارمان چوہان، قاری سیف الرحمن، مفتی عبدالسلام شامزئی، حافظ ساجد، مولانا اقبال اللہ، مولانا ولی ہزاروی، عبدالستار بلوچ، مفتی محمد علی قمر، وصی احمد صدیقی اور دیگر رہنماؤں نے حالیہ بارشوں میں تباہ ہونے والے مکانات اور فوت ہونے والے افراد پر افسوس کا اظہار کرتے ہوئے انکے لئے دعائے مغفرت کی اور حکومتی اداروں کی بے حسی پر شدید الفاظ میں مذمت کی ہے۔