کراچی (رپورٹ: ذیشان حسین) ڈپٹی رجسٹرار کوآپریٹو سوسائٹی آڈٹ اور الیکشن آفیسر فشر مینز کو آپریٹو سوسائٹی ساجد سرہیو نے دوبارہ اپنے عہدے کا چارج سنبھال لیا۔ تفصیلات کے مطابق ڈپٹی رجسٹرار کوآپریٹو سوسائٹی آڈٹ اور الیکشن آفیسر فشر مینز کو آپریٹو سوسائٹی ساجد سرہیو نے دوبارہ اپنے عہدے کا چارج سنبھالنے کے بعد فشر مینز کو آپریٹو سوسائٹی کے تمام ہیڈ آف ڈیپارٹمنٹ سے علیحدہ علیحدہ ملاقاتیں کیں۔ اور ان سے ڈیپارٹمنٹ کے حوالے سے بریفنگ لی۔ ڈپٹی رجسٹرار کو آپریٹو اور الیکشن آفیسر ساجد سرہیو نے تمام ہیڈ آف ڈیپارٹمنٹس کو مخاطب کرتے ہوئے کہا ہے کہ فشر مینز کو آپریٹو سوسائٹی کے ملازمین کا ادارے کی ترقی میں بہت اہم کردار ہے۔ وہ فشر مینز کو آپریٹو سوسائٹی اور ماہی گیروں کی خوشحالی کے لیے اپنی کاوشیں جاری رکھیں۔
