لاہور (بیورو رپورٹ) محکمہ صحت نے صورتحال کی سنگینی کو دیکھتے ہوئے انسداد ڈینگی اقدامات شروع کر دیے جس کے تحت تمام اضلاع میں ڈینگی وارڈز اور ڈینگی آئی سی یو فعال کردیے گئے ہیں اور انسداد ڈینگی مہم کے لیے صوبے میں فوری طور پر 10929 ہیلتھ ورکرز کو عارضی بنیاد پر بھرتی کرنے کا فیصلہ کیا گیا ہے۔ اس کے علاوہ انسداد ڈینگی کے لیے کام کرنے والے ہیلتھ ورکرز اور افسران کی اتوار کی چھٹیاں بھی منسوخ کر دی گئی ہیں محکمہ صحت کے مطابق ڈینگی کے اس سال 44 مریض سامنے آنا تشویشناک ہے جبکہ گزشتہ سال مئی کے آخر تک صوبے بھر میں 9 مریض رپورٹ ہوئے تھے۔
