ٹنڈو آدم (رپورٹ: رضوان احمد غوری) سماجی کارکن محمد امجد آرائیں کے تعاون سے ڈپٹی کمشنر سانگھڑ عمران الحسن خواجہ اور ضلع سانگھڑ کے فوکل پرسن ڈاکٹر فاروق آرائیں کی جانب سے ٹنڈو آدم کے علاقے الہیار گوٹھ آرائیں ہاؤس پر ایک روزہ کورونا سے بچاؤ ویکسین کا کیمپ لگایا گیا۔ جس میں 182 مرد و خواتین نے کورونا سے بچاؤ کی ویکسین لگوائی۔ اس موقع پر سماجی کارکن امجد آرائیں نے میڈیا سے بات چیت کرتے ہوئے بتایا ہے کہ اس کا کوئی سائیڈ ایفیکٹ نہیں ہے اور ہر شہری کا فرض بنتا ہے کہ کورونا ویکسین لگوائیں اور انہوں نے کہا کہ ہم وزیر اعلیٰ سندھ سید مراد علی شاہ، ڈی سی سانگھڑ، ایڈمنسٹریٹر اعجاز احمد جتوئی، فوکل پرسن ڈاکٹر فاروق آرائیں اور ان تمام ڈاکٹرز کا میں دل سے شکریہ ادا کرتا ہوں جنہوں نے بہترین کارکردگی دکھائیں۔
