کراچی (رپورٹ: ذیشان حسین) پاسبان ڈیموکریٹک پارٹی کراچی کی بلدیاتی کمیٹی کے اراکین طارق چاندی والا اور اعظم منہاس کی سربراہی میں پاسبان کراچی کے تنظیمی معاملات پر مرکزی عہدیداران سے مشاورت کے بعد پاسبان کراچی کی تنظیمی ہیئت کو تبدیل کرنے کا فیصلہ کیا گیا ہے۔ اس سلسلہ میں پاسبان کے جوائنٹ سیکریٹری طارق چاندی والا کو کراچی کا آرگنائزر مقرر کر دیا گیا ہے۔ پاسبان کے چیئرمین الطاف شکور نے فیصلہ کی توثیق کردی ہے۔
