اسلام آباد (بیورو رپورٹ) وفاقی دارالحکومت اسلام آباد میں لڑکی کو زیادتی کا نشانہ بنانے والا سرکاری افسر گرفتار کرلیا گیا۔ اسلام آباد کے علاقے تھانہ شہزاد ٹاؤن میں لڑکی کے ساتھ زیادتی کا واقعہ پیش آیا، جس پر آئی جی اسلام آباد قاضی جمیل الرحمان نے نوٹس لے لیا، اور ڈی آئی جی آپریشنز افضال احمد کوثر کو ملزم کی فوری گرفتاری کی ہدایت کی۔ پولیس حکام کے مطابق تھانہ شہزاد ٹاؤن پولیس نے لڑکی سے زیادتی کرنے والے ملزم سرکاری آفیسر سہیل کو گرفتار کرکے اس کے خلاف مقدمہ درج کرلیا ہے اور مزید تفتیش شروع کردی گئی ہے۔
