کراچی (رپورٹ: ذیشان حسین) کراچی کے علاقے کورنگی زمان ٹاؤن سے 6 سالہ بچی کی لاش برآمد کرلی گئی۔ ہسپتال ذرائع کے مطابق بچی کو زیادتی کے بعد تشدد کا نشانہ بنا کر قتل کیا گیا ہے۔ لاش کو جناح ہسپتال منتقل کیا گیا جہاں بچی کی شناخت 6 سالہ ماہم کے نام سے کرلی گئی۔ ہسپتال ذرائع کے مطابق بچی کو مبینہ طور پر زیادتی کے بعد تشدد کا نشانہ بنا کر قتل کیا گیا ہے۔ ذرائع کے مطابق 6 سالہ ماہم گزشتہ رات 9 بجے زمان ٹاؤن کے علاقے سے لاپتہ ہوئی تھی۔ واقعے کے حوالے سے پولیس کو آگاہ کر دیا گیا تھا تاہم پولیس کی جانب سے بچی کی تلاش کیلئے کوئی کارروائی نہیں کی گئی۔ رات گئے لاپتہ ہونے والی بچی کی لاش صبح سویرے زمان ٹاؤن سے ملی۔
