کراچی (رپورٹ: ذیشان حسین) کوٸٹہ میں نجی ٹی وی کے رپورٹر و سینٸر صحافی سردار حمید پر قاتلانہ حملے کی شدید مزمت کرتے ہیں۔ سابق رکن قومی اسمبلی سلمان مجاہد بلوچ نے اپنے بیان میں کہا ہےکہ آج امن کے دشمنوں نے پھر ریاست کے چو تھے ستون پر حملہ کیا ہے۔ صحافی برادری اور صحافت پر حملہ حق اور سچ کو دبانے اور چھپانے کیلئے کیے جا رہے ہیں جس کی جتنی مزمت کی جائے کم ہے۔ سلمان مجاہد بلوچ نے مطالبہ کیا ہے کہ حکومت وقت سردار حمید پر قاتلانہ حملہ میں ملوث ملزمان کو فی الفور گرفتار کرے اور انہیں نشان عبرت بنا دے۔ کٹھن حالات میں بھی اپنے فرائض انجام دینے پر ہم تمام صحافیوں کو خراج تحسین پیش کرتے ہیں۔
