ڈیرہ اسماعیل خان (رپورٹ: گوہر غنچہ) ابتدائی وثانوی تعلیم خیبرپختو نخوانے ڈیرہ اسماعیل خان سمیت صوبے کے مختلف اضلاع میں سرکاری سکولوں میں رائج سکول مینجمنٹ انفارمیشن سسٹم کے تحت کارکردگی رپورٹ ارسال کرنے کی ہدایت کردی ہے ناقص کارکردگی کے حامل سکولوں کیخلاف سخت انضباطی کارروائی عمل میں لائی جائیگی، ذرائع کیمطابق محکمہ تعلیم خیبرپختونخواکو مختلف اضلاع کے سرکاری سکولوں سے متعلق شکایات موصول ہوئی ہیں کہ جن علاقوں میں بجلی کے مسائل ہیں ،وہاں پر انٹرنیٹ کامسئلہ درپیش ہے وہاں کے سکولوں میں سکول مینجمنٹ انفارمیشن سسٹم کے تحت کارکردگی انتہائی ناقص ہے جس کو بہتر بنانے کی ضرورت ہے جس پر محکمہ تعلیم نے ان تمام سکولوں کے سربراہان کو سختی سے ہدایت کی ہے کہ وہ متعلقہ سکولوں میں سکول مینجمنٹ انفارمیشن سسٹم کو مزید بہتر بنانے اورفعال رکھنے کیلئے ہرممکن اقدامات اٹھائیں۔
