پورٹ آف اسپین، (اسپورٹس ڈیسک ) پاکستان نے دوسرے ٹیسٹ کے چوتھے روز ویسٹ انڈیز کو آٹھ وکٹوں سے شکست دے کر دو میچوں کی سیریز ایک، ایک سے برابر کر دی۔ 75 رنز کا ہدف قومی ٹیم نے صرف دو وکٹوں کے نقصان پر حاصل کر لیا عبداللہ شفیق 24 اور کپتان بابر اعظم 24 رنز بنا کر ناقابل شکست رہے، جبکہ دونوں نے تیسری وکٹ کی 35 رنز کی شراکت قائم کرکے ٹیم کو فتح سے ہمکنار کیا عبداللہ شفیق کو پہلی اننگز میں ناقابل شکست 160 رنز کی عمدہ اننگز کھیلنے پر میچ کا بہترین کھلاڑی قرار دیا گیا۔
اس سے قبل پاکستان کے باؤلرز نے شاندار کارکردگی کا مظاہرہ کرتے ہوئے ویسٹ انڈیز کی دوسری اننگز 117 رنز پر سمیٹ دی علی عثمان اور ساجد خان نے چار، چار وکٹیں حاصل کیں جبکہ محمد علی نے ایک کھلاڑی کو آؤٹ کیا عبداللہ شفیق کی پہلی اننگز کی 160 رنز کی ناقابل شکست اننگز اور دوسری اننگز میں ذمہ دارانہ بیٹنگ پاکستان کی کامیابی کی بنیاد ثابت ہوئی جس کی بدولت قومی ٹیم نے دورہ ویسٹ انڈیز کا اختتام سیریز برابر کرنے کے ساتھ کیا۔
