کراچی، (اسٹاف رپورٹر ) کراچی یونین آف جرنلسٹس (دستور) نے سندھ اسپورٹس جرنلسٹس ایسوسی ایشن (سجاس) کے انتخابات میں یونائیٹڈ پینل کی کامیابی پر نومنتخب عہدیداران کو دلی مبارکباد اور نیک تمناؤں کا اظہار کیا ہے۔
کے یو جے (دستور) کے صدر نصراللہ چوہدری اور سیکریٹری ریحان خان چشتی نے اپنے مشترکہ بیان میں کہا کہ محمود ریاض کا بطور صدر منتخب ہونا اور ان کی ٹیم کی کامیابی اسپورٹس جرنلزم کے لیے نیک شگون ہے۔ انہوں نے امید ظاہر کی کہ سجاس کی نئی قیادت اسپورٹس صحافیوں کے حقوق کے تحفظ، فلاح و بہبود اور کھیلوں کے فروغ کے لیے مؤثر کردار ادا کرے گی۔
کراچی یونین آف جرنلسٹس (دستور) نے سجاس کے تمام نومنتخب عہدیداران کے لیے نیک خواہشات کا اظہار کرتے ہوئے اس توقع کا بھی اظہار کیا کہ دونوں تنظیمیں مستقبل میں باہمی تعاون اور پیشہ ورانہ روابط کو مزید مضبوط بنائیں گی۔
