کراچی، (رپورٹ، ذیشان حسین/ اسٹاف رپورٹر) سندھ پارلیمانی رپورٹرز ایسوسی ایشن (ایس پی آر اے) کے عہدیداران نے معروف اینکرپرسن امتیاز میر کے انتقال پر گہرے رنج و غم کا اظہار کیا ہے۔
ایس پی آر اے کے رہنماؤں کا کہنا تھا کہ امتیاز میر صحافت کے شعبے میں ایک باوقار اور معتبر نام تھے، جن کی پیشہ ورانہ خدمات کو ہمیشہ یاد رکھا جائے گا۔ ان کے انتقال سے صحافتی برادری ایک مخلص، محنتی اور قابل ساتھی سے محروم ہوگئی ہے۔
ایس پی آر اے کے اراکین نے مرحوم کے ایصالِ ثواب کے لیے دعا کی کہ اللہ تعالیٰ انہیں اپنی جوارِ رحمت میں اعلیٰ مقام عطا فرمائے اور لواحقین کو صبرِ جمیل عطا کرے۔ آمین۔
