کراچی، (رپورٹ، ذیشان حسین) گلستانِ جوہر کے ایک مقامی کلب میں کراچی ڈیولپمنٹ اتھارٹی (KDA) کے آئی ٹی ڈیپارٹمنٹ کے ریٹائر ہونے والے افسران کے اعزاز میں ایک پُروقار الوداعی اور عشائیہ کی تقریب منعقد کی گئی۔
تقریب میں پاکستان پیپلز پارٹی سندھ کے جنرل سیکریٹری سینیٹر وقار مہدی، پی پی پی کراچی کے ڈپٹی سیکریٹری اطلاعات اور حلقہ NA-235 کے ٹکٹ ہولڈر محمد آصف خان، کے ڈی اے لیبر یونین کے سرپرست محمد اشرف، اور معروف سماجی رہنما زبیر فرید نے خصوصی شرکت کی۔
اس موقع پر ادارے سے ریٹائر ہونے والے افسران کو ان کی خدمات کے اعتراف میں شیلڈز بھی پیش کی گئیں۔ مقررین نے سبکدوش ہونے والے افسران کی خدمات کو سراہتے ہوئے ان کے لیے نیک تمناؤں کا اظہار کیا۔
