لاہور (اسپورٹس رپورٹر) اسپورٹس جرنلسٹس ایسوسی ایشن آف لاہور (سجال) کے چیٸرمین زاہد مقصود، صدر عقیل احمد، سیکرٹری اشرف چودھری اور خزانچی احتشام الحق نے سپورٹس جرنلسٹس ایسوسی ایشن سندھ کے انتخابات میں یونائیٹڈ پینل کی تاریخی کامیابی پر تمام کامیاب ہونے والے عہدیداروں کو دلی مبارکباد پیش کی ہے۔ کراچی پریس کلب میں ہونے والے سجاس کے انتخابات میں آصف خان کو صدر، شاہد عثمان ساٹی کو جنرل سیکریٹری جبکہ محمود ریاض، سینئر نائب صدر، مجاہد سولنگی اور عالم زیب کو نائب صدور، اصغر عظیم کو جوائنٹ سیکریٹری، شاہد انصاری، فنانس سیکریٹری اور جعفر حسین کو سیکریٹری اطلاعات کے عہدے پر کامیاب ہونے پر مبارک باد دیتے ہوئے سجال عہدیداروں نے اپنے پیغام میں نیک تمناؤں کا اطہار کیا ہے۔
سجال نے یونائیٹڈ پینل کی ایگزیکٹو کمیٹی کی تمام 12 نشستوں پر کامیابی حاصل کرنے پر ایگزیکٹیو کمیٹی کو بھی دلی مبارک باد و خراجِ تحسین پیش کرتے ہوۓ اس امید کا اظہار کیا ہے کہ سجاس کے حالیہ الیکشن میں شاندار کامیابی حاصل کرنے والے تمام عہدیداران اور ایگزیکٹیو کمیٹی اپنی بہترین صلاحیتوں کو بروئے کار لاتے ہوئے سپورٹس جرنلسٹس کی فلاح و بہبود کے لئے بھر پور اقدامات اقدامات اٹھائیں گے۔
