کراچی (رپورٹ: ذیشان حسین) ریاست پاکستان کی جانب سے 1971 میں مشرقی پاکستان میں دفاع پاکستان کے لئے بہاری برادری سے تعلق رکھنے والے ایسٹ پاکستان سیول آرمڈ فورسز کے شہدا اور جانبازوں کی شاندار پزیرائی پر ہدیہ تبریک و تشکر کے لئے محبان پاکستان فاؤنڈیشن کے زیر اہتمام اورنگی ٹاٶن میں ایک عظیم الشان شکریہ پاکستان کانفرنس کا انعقاد کیا گیا جس سے حامد اسلام خان، ممتازعالم، میجر مسرت، ممتاز حسین انصاری، ڈاکٹر شکیل احمد، جمیل احمد، ضیا محمد، نعیم اقبال اور نظام الدین اشعر نے خطاب کیا۔
یاد رہے کہ تین نومبر سے لیکر 16 دسمبر تک ملک کے نصف درجن شہروں کے آرمی ہیڈ کواٹرز میں پر وقار تقاریب پزیرائی کا انعقاد کیا گیا جہاں افواج پاکستان کے اعلیٰ افسران نے 1971 میں مشرقی پاکستان کی محاذ پر دفاع وطن کا فریضہ انجام دینے والے افسران و جوانوں اور ان کے عزیز و اقارب کی شاندار میزبانی کی اور انھیں اعزاز و تکریم سے نوازا اس موقع پر اپنے خطاب میں چیرمین محبان پاکستان فاؤنڈیشن ممتاز حسین انصاری نے کہا کہ تاخیر سے ہی سہی ریاست نے بالآخر بہاری برادری کی لازوال قربانیوں کا برملا اعتراف کرکے اپنے ایک شفیق ماں ہونے کا ثبوت دیا ہے ریاست کا یہ اقدام انتہائی قابل تحسین ہے اس اقدام سے جزبہ پاکستانیت اور نظریہ پاکستان کو تقوییت ملے گی اس اقدام پر افواج پاکستان بالخصوص آرمی چیف جنرل قمر جاوید باجوہ مبارکباد کے مستحق ہیں کانفرنس میں اورنگی سمیت شہر کے دیگر مقامات سے بہاری برادری اور ای پی سی اے ایف کے جانبازوں اور خواتین کی ایک بڑی تعدا نے شرکت کی۔
