سرگودھا (بیورو رپورٹ) وزیراعلیٰ پنجاب عثمان بزدار نے سرگودھا میں خاتون کو آگ لگانے کے واقعہ کا نوٹس لیتے ہوئے آر پی او سرگودھا ریجن محمد فیصل رانا سے رپورٹ طلب کرلی اور گرفتار ملزم کے خلاف قانون کے تحت کارروائی کا حکم دیا ہے۔ وزیراعلی عثمان بزدار نے متاثرہ خاتون کو بہترین طبی سہولتیں فراہم کرنے کی ہدایت کرتے ہوئے کہا کہ متاثرہ خاتون کو انصاف کی فراہمی کے لیے کوئی کسر نہ چھوڑی جائے۔ جبکہ واقعہ میں ملوث ملزم کو پولیس نے گرفتار کرلیا ہے۔
