کراچی (رپورٹ: ذیشان حسین) سندھ بھر کے کالجز میں فرسٹ ایئر میں داخلہ لینے والے طلباء و طالبات کے لئے خوشخبری، سندھ بھر میں کالجز میں داخلے کے وقت ڈومیسائل جمع کرانےکی شرط ختم کردی گئی ہے۔ تفصیلات کے مطابق ڈائریکٹر جنرل کالجز راشد مہر کا کہنا ہے کہ کالجز انتظامیہ کو داخلے کے وقت ڈومیسائل طلب نہ کرنے کی ہدایت جاری کر دی ہیں۔ انہوں نے کہا کہ یہ فیصلہ طلبہ اور والدین کی پریشانی کو مدنظر رکھتے ہوئے کیا ہے اور اب طلبہ داخلے کے وقت ڈومیسائل جمع کرانے کی بجائے انرولمنٹ فارم جمع کراتے وقت ڈومیسائل جمع کراسکتے ہیں۔
