کراچی (رپورٹ: ذیشان حسین) پی ٹی آئی انصاف اسپورٹس اینڈ کلچر فیڈریشن سندھ کے سربراہ اسرار عباسی و صدر کراچی ڈویژن ممتاز علی شاہ نے پارلیمنٹ میں الیکٹرانک ووٹنگ مشین سے متعلق بل اور بیرون ملک پاکستانیوں کو ووٹ کا حق، و دبارہ مردم شماری کے بلز سمیت دیگر اہم بلز کی شاندار اکثریت سے منظوری پر قوم کو مبارکباد پیش کی ہے پاکستان تحریک انصاف نے عمران خان کی قیادت میں، قوم سے کئے گئے وعدے کو نبھاتے ہوۓ پاکستان کے سنہرے مستقبل کی بنیاد رکھ دی ہے۔ آئندہ تمام الیکشن شفاف ہونگے تو عوامی مینڈیٹ کو کوئی چوری نہیں کرسکے گا سمندر پار پاکستانی بھی اپنا ووٹ استعمال کر سکیں گے تمام بنیادی بلز کی منظوری کے بعد پاکستان کے سنہرے دور کا آغاز ہوگیا۔
