حکومت وقت جسکا منشور اور نام ہی انصاف ہے، پسماندہ ڈویژن میرپورخاص کے جاٸز آٸینی ہاٸی کورٹ بینچ کے مطالبے کو پورا کرے۔ ضلعی وکلاء بار میرپورخاص

میرپورخاص (بیورو رپورٹ) صوبہ سندھ کے سب سے پسماندہ ڈویژن میرپورخاص میں ہاٸی کورٹ بینچ کے قیام کی ہفتہ وار وکلاء احتجاجی تحریک کی تاریخی عملی جدوجہد کا تسلسل جاری، ہفتہ وار احتجاج کے پانچویں جمعے کیمپ میں شہر کے معروف تاجر رہنماء انیس احمد شیخ اور محمد امین میمن سمیت پاکستان بار کونسل کے انتہائی سینٸیر معزز ترین بزرگ ایڈوکیٹ و قانون دان ماما یوسف لغاری نے خصوصی شرکت کی۔ معتبر ضلعی وکلاء بار کے معزز صدر میر پرویز اختر تالپور نے ہاٸیکورٹ بینچ کے قیام کی تحریک کو عملی طور پر موثر بنانے کے لیے احتجاجی کیمپ میں یکجہتی کے لیے آٸے تمام معزز مہمانوں کا تہہ دل سے شکریہ ادا کیا۔ میرپورخاص کی ضلعی عدالت کے احاطے میں ہاٸی کورٹ بینچ کے قیام کی ہفتہ وار وکلاء احتجاجی تحریک کے پانچویں جمعے شدید ترین گرمی و حبس کے باوجود کیمپ میں بار کے معزز صدر میر پرویز اختر تالپور، بار کے متحرک و سرگرم سینٸیر ایڈوکیٹ شوکت راہموں، خاتون ایڈوکیٹ نصرت میانو، گل سنگھار، نذیراں لغاری، نوشین پہوڑ، بار کے ناٸب صدر چوہدری آصف، جنرل سیکرٹری مسعود لغاری، ایڈوکیٹ ڈی کے مالہی، بزرگ ایڈوکیٹ منومل میگھواڑ، ضلعی بار و ایوان صحافت کے روح رواں اور ڈویژن کی موثر عملی صحافت کی منفرد و ہر دل عزیز شخصیت ایڈوکیٹ محمد ہاشم شر اور ان کی کاوشوں سے دیگر میڈیا نماٸندگان، ایوان صحافت کی کوٸیک رسپانس میڈیا ٹیم اور وکلاء کی کثیر تعداد نے شرکت کی۔ وکلاء اپنے پسماندہ ڈویژن کے غریب ساٸلین کو انصاف ان کی دہلیز تک پہنچانے کی اس عوامی ہاٸی کورٹ بینچ کے قیام کی تحریک کو عملی اور نتیجہ خیز بنانے کے لیے شدید گرمی اور پسینے میں شرابور ہوکر بھی پر عزم ہیں جبکہ ہفتہ وار احتجاجی کیمپ میں ہر جمعے اعلیٰ سیاسی، سماجی، مذہبی اور تاجر رہنماٸوں کی شرکت سے کیمپ کا حجم بڑھتا جارہا ہے۔ کیمپ میں زندگی کے تمام شعبہ جات سے تعلق رکھنے والی معزز شخصیات کی کثیر تعداد میں شرکت ہی انکے آٸینی حق (ہاٸی کورٹ بینچ کا قیام) کی نتیجہ خیز جدوجہد کا تقاضا ہے حکومت وقت جسکا منشور اور نام ہی انصاف ہے فوری اس پسماندہ ڈویژن کے جاٸز آٸینی مطالبے کو پورا کرے۔