ماسکو (نوپ نیوز) روس کے صدر ولادیمیر پیوٹن اپنے اصولی فیصلے پر ڈٹ گئے- اسرئیلی ایئر چیف جوکہ اپنے وفد کے ہمراہ ان دنوں روس کے دورے پر ہیں اور اپنے ہمراہ روسی طیارے آئی ایل 20 کو نشانہ بناکر مار گرانے کی ایک رپورٹ بھی ہمراہ لیکر آۓ ہیں- روسی طیارے کو اسرائیلی ایئر فورس نے ملک شام میں نشانہ بنایا تھا جس میں روس کے 15 اہلکار بھی ہلاک ہوۓ تھے اس واقعے کے بعد روس اور اسرائیل میں اختلافات شدت اختیار کر گئے تھے- اسرائیل نے روسی طیارے کو نشانہ بنانے کے الزام کو مسترد کیا تھا اور یہ الزام عائد کیا تھا کہ روسی طیارے کو ایران کی حمایت یافتہ جماعت حزب اللہ نے نشانہ بنایا تھا مگر روس کے دفاعی ماہرین کا کہنا ہے کہ ان کے طیارے کو اسرائیلی ایئر فورس نے ہی نشانہ بنایا تھا- اسرائیلی ایئر چیف اس واقعے کی ایک تحقیقاتی رپورٹ اپنے ہمراہ لیکر آۓ ہیں مگر روس کے صدر نے ان سے ملنے سے صاف انکار کردیا ہے-
