گجرات (رپورٹ: مرزا عادل رحمان) ہفتہ یکجہتی کشمیر کے سلسلہ میں فٹ بال ٹورنامنٹ تحصیل کھاریاں کی ٹیم نے جیت لیا ہے، ڈپٹی کمشنر سیف انور جپہ اس موقع پر مہمان خصوصی تھے جنہوں نے کھلاڑیوں میں انعامات تقسیم کئے، اے سی گجرات سلمان ظفر، ڈسٹرکٹ سپورٹس آفیسر ساجد حسین بھی اس موقع پر موجود تھے۔ ڈسٹرکٹ سپورٹس ڈیپارٹمنٹ کے زیر اہتمام ٹورنامنٹ کا فائنل تحصیل کھاریاں اور تحصیل گجرات کی ٹیموں کے مابین کھیلا گیا جس میں تحصیل کھاریاں کی ٹیم نے شاندار کارکردگی کا مظاہرہ کیا اور فاتح قرار پائی۔ ڈپٹی کمشنر سیف انور جپہ نے شاندار کارکردگی پر فاتح ٹیم کی کارکردگی کو زبردست سراہااور بھرپور مقابلہ کرنے پر رنر اپ ٹیم کے کھلاڑیوں کی بھی حوصلہ افزائی کی۔
