میرپورخاص (رپورٹ: ایم ہاشم شر) ایس ایچ او محمود آباد عابد نون پولیس پارٹی کے ہمراہ رنگ روڈ قریشی کاٹن فیکٹری نزد کوس گھر پر رات گئے چیکنگ میں مصروف تھے کہ موٹر سائیکل پر سوار افراد کو رکنے کا اشارہ کیا جنہوں نے پولیس پارٹی کو دیکھتے ہی فائرنگ شروع کردی اور فرار ہونے کی کوشش کی، پولیس پارٹی کی جوابی کاروائی میں اشتہاری سزا یافتہ ملزم بنام زمانہ محمد عمران ولد کریم بخش پنھور کو زخمی حالت میں گرفتار کرلیا گیا۔ جبکہ ایک ملزم فرار ہونے میں کامیاب ہوگیا، گرفتار اشتہاری ملزم تھانہ محمود آباد میں قتل و اقدام قتل کے مقدمات میں ضلع پولیس میرپورخاص کو مطلوب تھا- گرفتار ملزم کے قبضے سے ایک ٹی ٹی پسٹل میگزین اور دو عدد گولیاں برآمد کرلی گئیں۔ بعد ازاں ملزم کے خلاف مقدمہ تھانہ محمودآباد پر درج کرلیا گیا ہے-
