کراچی (رپورٹ: ذیشان حسین) پاکستان تحریک انصاف کے ترجمان و رکن سندھ اسمبلی جمال صدیقی نے کہا کہ کچھ روز قبل کراچی کے پوش علاقے ڈیفنس میں گدھوں کے سر اور آلائشیں ملنے کا واقعہ رونماء ہوا تھا سندھ فوڈ اتھارٹی نے واقع کا نوٹس تاہم نہیں لیا اور نہ ہی سندھ فوڈ اتھارٹی کی جانب سے کسی ریسٹورنٹ میں خفیہ کاروائی عمل میں لائی گئی ان خیالات کا اظہار انہوں نے اپنے دفتر میں مختلف شعبوں سے تعلق رکھنے والے وفود سے کیا انہوں نے کہا کہ سندھ حکومت کو انسانی جان و صحت سے کوئی سروکار نہیں سندھ حکومت نے اداروں کو بیساکھی پر رکھا ہوا ہے جسے صرف اپنے سہارے سے چلانا چاہتے ہیں ریسٹورنٹ میں مضر صحت کھانا عوام کو کھلایا جارہا ہے ملاوٹ شدہ دودھ سے لیکر ایکسپائر شدہ اشیاء دن دہاڑے دکانوں پر فروخت کی جارہی ہیں اور کوئی پوچھنے والا نہیں ہے انہوں نے کہا کہ زیادہ تر سندھ کے وزراء کے اپنے بچے بیرون ممالک میں رہائش پذیر ہیں اس لیے سندھ حکومت کی نظر میں سندھ کے عوام کی زندگیوں کی کوئی قیمت نہیں ہے۔
