میرپورخاص (رپورٹ: ایم ہاشم شر) آل پرائیویٹ اسکولز مینجمینٹ ایسوسی ایشن میرپورخاص ریجن کے صدر فیصل خان زئی، سینئر نائب صدر غضنفر علی خان سیکریٹری اطلاعات محترمہ نبیلہ جلیل و دیگر زمے داران نے اپنے مشترکہ بیان میں وزیر اعلی سندھ اور سیکریٹری ایجوکیشن سے سندھ میں شدید سردی کی وجہ سے مطالبہ کیا ہے کہ بچوں کی صحت اور حفاظت کو مدنظر رکھتے ہوئے فوری طور پر مزید ایک ہفتے کی چھٹیوں کا اضافہ کیا جائے انہوں نے کہا کہ کراچی، حیدرآباد، سکھر، میرپورخاص اور لاڑکانہ سمیت سندھ بھر میں شدید سردی کی لہر اور سائیبریا کی ہواؤں نے لوگوں کی زندگی مفلوج کر دی ہے تو ان حالات میں بچے اسکول کیسے آسکتے ہیں؟ لہذا اسکولوں اور کالجز کی چھٹیوں میں اضافہ کی پرزور اپیل کرتے ہیں۔
