کراچی (رپورٹ: ذیشان حسین) کراچی کینٹ اسٹیشن کے واشنگ یارڈ میں شالیمار ایکسپریس کی دو بوگیاں اس وقت پٹری سے اتری جب ٹرین کراچی سے لاہور جانے کے لئے تیار تھی۔ واقعے کے بعد ریلوے ٹریک کو بند کردیا گیا ہے، ٹریک بند ہونے کی وجہ کراچی سے لاہور جانے والی شالیمار ایکسپریس اب تک روانہ نہیں ہوسکی ہے، اس کے علاوہ کراچی سے راولپنڈی جانے والی عوام ایکسپریس اور سندھ ایکسپریس ابھی تک روانگی کی منتظر ہیں۔ ریلوے انتظامیہ کے مطابق متاثرہ بوگیوں کو پٹری پر لانے اور ٹریک کی بحالی کا کام جاری ہے۔
