سکھر (ویب ڈیسک) گھوٹکی سے پیپلزپارٹی کے نو منتخب رکن قومی اسمبلی سردار محمد بخش مہر بھی نیب ریڈار پر آگئے۔ نیب سکھر کی ٹیم نے سردار محمد بخش مہر کیخلاف انکوائری کا آغاز کردیا، نیب ذرائع کے مطابق سردار محمد بخش مہر پر سابق دور حکومت میں اختیارات کے ناجائز استعمال کا الزام ہے۔ سردار محمد بخش مہر پر سرکاری ریکارڈ میں خورد برد کا الزام ہے، نیب سکھر نے ڈپٹی کمشنر گھوٹکی سے محمد بخش مہر کی زمین کا ریکارڈ طلب کرلیا، محمد بخش مہر کی 2030 ایکڑ اراضی زرعی زمین سے متعلق ریکارڈ طلب کر لیا گیا۔
