کوئٹہ (رپورٹ: شاہد عمران چشتی) کوئٹہ میں پولیس وین کے قریب بم دھماکا ہوا ہے جس میں تین پولیس اہلکار زخمی ہوگئے علاقے کی ناکہ بندی کرکے سرچ آپریشن شروع کردیا گیا۔ پولیس وین دشت روڈ پر معمول کے گشت پر تھی کہ اچانک دھماکا ہوگیا جس کی زد میں آکر تین پولیس اہلکار زخمی ہوگئے۔ دھماکے کے فوری بعد پولیس اور قانون نافذ کرنیوالے اداروں کے اہلکار موقع پر پہنچ گئے اور علاقے کی ناکہ بندی کرکے سرچ آپریشن شروع کردیا۔ زخمی ہونیوالے پولیس اہلکاروں کو اسپتال منتقل کردیا گیا ہے۔
