چکوال (ویب ڈیسک) چکوال کی تحصیل کلر کہار میں موٹر وے پر ٹریلر اور مسافر بس کی ٹکر سے چار افراد جاں بحق جبکہ پندرہ زخمی ہوگئے ہیں۔ موٹر وے پولیس کے مطابق ٹریلر موٹر وے سے لاہورجبکہ مسافر بس بھلوال سے گاؤں اکوال کی طرف جارہی تھی کہ ٹرالر ڈیوائیڈر لائن کو عبور کرتے ہوئے بس سے ٹکرا گیا، حادثے میں چار افراد جاں بحق اور پندرہ افراد زخمی ہوگئے۔ موٹر وے پولیس کے مطابق حادثے کے بعد زخمیوں اور لاشوں کو ٹراما سینٹر کلر کہار منتقل کیا گیا، جہاں ایک شدید زخمی کو ڈی ایچ کیو اسپتال چکوال منتقل کیا گیا۔
