میرپورخاص (رپورٹ: ایم ہاشم شر) پاکستان پيپلز پارٹی ضلع ميرپورخاص کے صدر اور رکن قومی اسمبلی میر منور علی تالپور نے کہا ہے کہ اسلام آباد پولیس کی جانب سے کارکنوں کی گرفتاریاں ناقابل برداشت ہیں، پولیس نے رکن قومی اسمبلی شازیہ ثوبیہ اور مسرت مہیسر کو بھی گرفتار کرلیا، کارکنوں پر لاٹھی چارج اور آنسو گیس کی شیلنگ کی گئی، پولیس نے خواتین پارلیمنٹرئینز اور کارکنان پر بھی تشدد کیا، کارکنوں پر تشدد عمران خان کے حواس باختہ ہونے کی علامت ہے۔
