راولپنڈی (بیورو رپورٹ) ڈولفن فورس کی کامیاب کارروائی۔ پولیس اسٹیشن پیر ودھائی کی حدود سے ناجائز اسلحے سمیت دو ملزمان کو گرفتار کرلیا گیا۔ تفصیلات کے مطابق موٹر سائیکل پر سوار تین نوجوانوں کو ڈولفن فورس کے جوانوں نے مشکوک سمجھ کر رکنے کا اشارہ کیا تو موٹرسائیکل سواروں نےبھاگنے کی کوشش کی۔ لیکن ڈولفن اہلکاروں نے دو ملزمان کو تو دھر لیا لیکن تیسرا ملزم فرار ہونے میں کامیاب ہوگیا ڈولفن فورس کے جوانوں نے مشکوک ملزمان سے موٹرسائیکل، ایک بارہ بور رپیٹر اور ایک آٹومیٹک گن برآمد کر کے ملزمان کو تھانہ پیرودھائی کےحوالے کردیا جہاں ملزمان کے خلاف کارروائی کرتے ہوئے مقدمہ درج کر کے ملزمان سے تفتیش شروع کر دی گئی ہے گرفتار ملزمان کی شناخت اسفند اور عبداللہ کے نام سے ہوئی ہے۔
