اسلام آباد (بیورو رپورٹ) ملائیشیا کے وزیر اعظم مہاتیر محمد پاکستان کا دورہ مکمل کرکے اپنے وطن واپس روانہ ہو گئے۔ واپسی سے پہلے انہوں نے نور خان ایئربیس پر پاکستانی جے ایف 17 تھنڈر طیارے کا معائنہ کیا اور اس سے متاثر ہوئے۔ ملائیشیا نے جے ایف تھنڈر خریدنے میں دلچسپی ظاہر کی ہے۔ ملائیشیا کے وزیراعظم مہاتیر محمد نور خان ایئر بیس سے وطن روانہ ہوئے۔ اس موقع پر وزیر اعظم عمران خان اور وفاقی وزراء انہیں رخصت کرنے کے لیے ایئرپورٹ پر موجود تھے۔ روانگی کے موقع پر وزیراعظم ملائشیا کو ایئرپورٹ پر جے ایف 17 تھنڈر طیارے کے متعلق بریفنگ دی گئی اور طیارے کا معائنہ بھی کرایا گیا جبکہ آج انہیں پاک فضائیہ کی جیکٹ پیش کی گئی جو انہوں نے زیب تن کی۔ وزیر اعظم ملائشیا مہاتیر محمد نے یوم پاکستان پریڈ کی تقریب میں بطور مہمانِ خصوصی شرکت کی تھی۔
