کوالالمپور (رپورٹ: عامر وقاص چوہدری/ نويد اسلم) ملائیشیا میں جمعرات کو کورونا وائرس کے مزید 235 نئے کیسز رپورٹ ہوئے ہیں جس کے بعد مجموعی طور پر متاثرہ مریضوں کی تعداد 2،031 ہوگئی ہے جو اس وقت جنوب مشرقی ایشیاء میں سب سے زیادہ ہے۔ ملائیشیا کی وزارت صحت نے یہ بھی کہا کہ جمعرات کی شام 5 بجے تک ملک میں ہلاکتوں کی تعداد 23 ہوگئی۔ وزارت صحت نے کہا کہ 45 مریض اس وقت انتہائی نگہداشت کے یونٹ میں ہیں، جن میں سے 32 کو وینٹیلیشن امداد کی ضرورت ہے۔ ملائشیا میں اب ایک ہفتے میں کیسوں کی تعداد دوگنی ہوگئی ہے۔ بدھ کے روز ، حکومت نے وائرس کے پھیلاؤ پر قابو پانے کے لئے سفر اور نقل و حرکت پر پابندی 14 اپریل تک بڑھا دی۔
