ڈیرہ اسماعیل خان (رپورٹ: گوہر غنچہ) وزیراعلی خیبر پختونخوا کے معاون خصوصی بلدیات کامران بنگش نے کوروانا وائرس سے بچاﺅ کیلئے محکمہ بلدیات کو مساجد میں جراثیم کش سپرے کرانے کی ہدایت کردی۔ انہوں نے ویلج کونسل سیکرٹریز کو ہدایات جاری کی کہ اپنے علاقے میں مساجد سے قالین ہٹائیں ہر مسجد میں جراثیم کش سپرے کروایا جائے اسکے علاوہ کورونا وائرس سے نمٹنے کے لیے اعلانات بھی کئے جائیں۔ انہوں نے کہا ہے کہ تمام مساجد میں احتیاط بطور احتیاط کورونا مار سپرے کرا رہے ہیں پہلی فرصت میں عوامی مقامات کو کورونا فری بنا رہے ہیں نیز جراثیم کش اسپرے کا دائرہ کار مزید پھیلا رہے ہیں، انہوں نے عوام سے اپیل کی کہ وہ اپنے گھروں میں رہیں انشاء اللہ پختونخوا کو بہت جلد کورونا فری ڈکلیئر کریں گے۔
