موروثی سیاست، بیٹے کی چھوڑی ہوئی نشست پر ضمنی الیکشن میں ماں اور بیٹا بھی مدمقابل

مظفر گڑھ (بیورو رپورٹ) پنجاب اسمبلی کے حلقے پی پی 272 میں ہونے والے ضمنی الیکشن میں ماں اور بیٹا بھی ایک دوسرے کیخلاف میدان میں آگئے۔ مظفرگڑھ میں سابق ایم پی اے عبداللہ شاہ بخاری کی اہلیہ زہرا بتول تحریک انصاف کے ٹکٹ پر جبکہ ان کے بیٹے ہارون سلطان آزاد امیدوار کے طور پر الیکشن میں حصہ لے رہے ہیں۔ ماں کے مقابلے میں الیکشن لڑنے والا بیٹا ہارون سلطان بخاری تین مرتبہ ایم پی اے اور دو مرتبہ صوبائی وزیر رہ چکا ہے۔ عبداللہ شاہ بخاری کے بڑے بیٹے باسط سلطان بخاری 2018 کے عام انتخابات میں این اے 185 اور پی پی 272 سے کامیاب ہوئے تھے۔ باسط سلطان بخاری نے صوبائی نشست چھوڑنے کا فیصلہ کیا جس کے باعث اس حلقہ میں ضمنی انتخاب ہو رہا ہے-