کراچی (رپورٹ: ذیشان حسین) میئر کراچی وسیم اختر کی ہدایت پر کوثر نیازی کالونی میں واقع چار منزلہ عمارت مکینوں سے خالی کرالی گئی، میئر کراچی وسیم اختر کا کہنا ہے کہ چار منزلہ عمارت ایک جانب جھکنے کے باعث کسی بھی وقت گر سکتی ہے، فائر بریگیڈ، ریسکیو یونٹ، اور سٹی وارڈنز کی ٹیمیں متاثر ہ بلڈنگ پر پہنچ گئیں ہیں، چئیرمین ضلع وسطی ریحان ہاشمی نے متاثرہ بلڈنگ کا دورہ کیا اور مکینوں سے ملاقات کی، وائس چیئرمین سید شاکر علی، یو سی 22 کے چیرمین ندیم ہدایت ہاشمی متاثرہ عمارت پر موجود ہیں، ترجمان بلدیہ عظمی کراچی کے مطابق مئیر کراچی وسیم اختر نے ہدایت جاری کی ہیں کہ عمارت کے گرنے کی صورتحال کے پیش نظر حفاظتی انتظامات مکمل رکھے جائیں۔
