میرپورخاص (رپورٹ: ایم ہاشم شر) ہیومن رائٹس کمیشن فار پیس اینڈ جسٹس پاکستان کے وائس چیئرمین ظفر احمد باجوہ کے قیادت میں سول ہسپتال میرپورخاص کا دورہ کیا۔ ہیومن رائٹس کمیشن فار پیس اینڈ جسٹس پاکستان کی ٹیم نے سول ہسپتال کے سرجیکل وارڈ، میڈیسن وارڈ، لیبارٹری، ایمرجنسی وارڈ سمیت مختلف شعبہ جات کا سرپرائز دورہ کیا۔ سول ہسپتال میں صفائی کی ناقص صورتحال پر ظفر احمد باجوہ نے انتظامیہ کو ہدایات دیتے ہوئے کہا کہ ہسپتال میں صفائی ستھرائی، ڈاکٹرز و عملے کی مکمل حاضری اور ادویات کی فراہمی کو یقینی بنایا جائے۔ اس موقع پر ہیومن رائٹس کمیشن فار پیس اینڈ جسٹس پاکستان کی ٹیم نے زیر علاج مریضوں سے ملاقات کی انکی صحت اور علاج معالج کے بارے میں پوچھا۔ اس موقع پر ایڈوکیٹ جنید مہر کوآرڈینیٹر پاکستان، سعد مہر صدر یوتھ ونگ پاکستان، سہیل ملک صدر یوتھ ونگ سندھ، رخسار بھٹی ڈسٹرکٹ صدر لیڈیز ونگ، عاقب راجپوت انفارمیشن سیکریٹری سندھ، علیم الدین قریشی، سرون کمار ایڈوکیٹ افضل، ایڈوکیٹ آصف، ایڈوکیٹ مجید بھائی، فیضان ملک عرف ذرداری، اسلم بلوچ، غلام نبی بلوچ، اسد باجوہ اور انسانی حقوق کی لیگل ٹیم بھی موجود تھی۔
