میرپورخاص (رپورٹ: ایم ہاشم شر) میرپورخاص کے سینئر صحافی وارث خاصخیلی، بختیار شاہ اور وسیم خانزادہ پر حملہ کرنا اور خطرناک نتائج کی دھمکیاں دینے کے خلاف سینئر صحافی قمرالدین کی قیادت میں اسٹیشن چوک سے پوسٹ آفس چوک تک ریلی نکالی گئی۔ ریلی میں شرکاء صحافیوں نے پلے کارڈ اور بینر اٹھائے ہوئے تھے۔ اس موقع پر مختلف سیاسی، سماجی، مذہبی تنظیموں کے رہنماؤں علامہ شریف سعیدی، التماس صابری اور دیگر نے صحافیوں سے اظہار یکجہتی کے طور پر شرکت کی۔
