ٹنڈو آدم (رپورٹ: رضوان احمد) ٹنڈو آدم کے نواحی گاؤں حاجی عرس بجورو کا رہائشی 30 سالہ فرید احمد بجورو محنت مزدوری کیلئے کراچی میں رہائش پزید تھا، سبزی منڈی سپر ہائی وے سے اپنے گھر موٹر سائیکل پر جاتے ہوئے مسلح دہشتگردوں نے روکا اور لوٹ مار کی بعدازاں گولی مار کر فرار ہوگئے جس سے فرید احمد بجورو موقع پر ہی ہلاک ہوگیا یاد رہے کہ متوفی کی 10 ماہ قبل ہی شادی ہوئی تھی۔ لاش پوسٹ مارٹم کے بعد گاؤں لائی گئی جس سے پورے گاؤں کا ماحول سوگوار ہوگیا۔ اور سینکڑوں لوگوں کی موجودگی میں تدفین کردی گئی۔
