ڈیرہ اسماعیل خان (رپورٹ: گوہر غنچہ) قرض رقم کی واپسی کا تقاضا کرنے پر ملزمان نے لاتوں مکوں اور ڈنڈوں سے قرض خواہ کی تواضع کردی، قرض خواہ زخمی حالت میں ہسپتال پہنچ گیا، ملزمان کے خلاف رپورٹ درج کرلی گئی، تھانہ کینٹ کی حدود دین پور میں قرض رقم کی واپسی کا تقاضا کرنے پر ملزمان نے لاتوں مکوں اور ڈنڈوں کے وار سے قرض خواہ کو زد و کوب کرکے شدید زخمی کردیا اور موقع سے فرار ہوگئے، زخمی کو طبی امداد کے لئے ہسپتال منتقل کردیا گیا ہے۔ زخمی نے پولیس کو بتایا کہ وہ اپنی قرض کی رقم واپس لینے گیا تو ملزمان میرے اوپر حملہ آور ہوگئے اور مجھے زخمی کیا۔ پولیس نے ملزمان کے خلاف رپورٹ درج کرلی ہے۔
