اسلام آباد (بیورو رپورٹ) انٹرنیشنل رحمتہ اللعالمین کانفرنس سے خطاب کرتے ہوئے صدر مملکت ڈاکٹر عارف علوی نے کہا کہ اسلام کا تصور نبی کریمؐ کے ذریعے ہم تک پہنچا۔ریاست مدینہ نے خواتین کو تمام حقوق دیئے۔ نبی کریمؐ نے صحت اور صفائی کی خصوصی تعلیم دی۔ انہوں نے کہا کہ وزیراعظم عمران خان ریاست مدینہ پر کامل یقین رکھتے ہیں۔ کرتارپور راہداری اور بابری مسجد کے فیصلے دنیا نے دیکھے ہیں۔ دنیائے اسلام آج اپنی قیادت کی طرف دیکھ رہی ہے۔ انہوں نے کہا کہ بابری مسجد گرانے کے مناظر پوری دنیا نے دیکھے۔ آج مقبوضہ کشمیر کی حالت پوری دنیا کے سامنے ہے۔ صدر مملکت ڈاکٹر عارف علوی نے مزید کہا کہ بھارت میں مسلمانوں سمیت تمام اقلیتیں دباؤ کا شکار ہیں۔
