چترال (بیورو رپورٹ) چترال میں المناک ٹریفک حادثہ تفصیلات کے مطابق حادثہ چترال میں راغلشٹ کے مقام پر پیش آیا، جہاں چترال سے بونی جانے والی فلائنگ کوچ پی ایس- 9675 تیز رفتاری کے باعث گہری کھائی میں جاگری، حادثے میں 9 افراد موقع پر ہی جاں بحق جبکہ متعدد زخمی ہوئے ہیں۔ واقعے کے بعد امدادی ٹیموں نے جائے حادثہ پر پہنچ کر زخمیوں کو ڈسٹرکٹ ہیڈ کوارٹر ہسپتال منتقل کیا، جہاں تین افراد کی حالت نازک بتائی جا رہی ہے۔
