ویکسینیشن ٹیموں کے سیکورٹی کے حوالے سے خاص خیال رکھا جائے تاکہ کسی بھی ناخوشگوار واقعہ سے بچا جاسکے۔ ڈی پی او لوئر کوہستان

لوئر کوہستان (رپورٹ: عتیق سلیمانی) ڈسٹرکٹ پولیس آفیسر لوئر کوہستان محمد سلیمان خان کی خصوصی ہدایات پر ایس ایچ او تھانہ دوبیر محمد یوسف خان نے علاقہ دوبیر، رانولیاء، بنکڈ لوئر کوہستان ویکسینیشن مہم کے دوران ویکسینیشن ٹیموں کے ساتھ پولیس سیکیورٹی چیک کی اور اپنی نگرانی میں بچوں کو ویکسین لگوائیں اور خود بچوں کو پولیو قطرے پلائے۔ ترجمان لوئر کوہستان پولیس اقبال ملک کے مطابق ایس ایچ او تھانہ دوبیر نے ویکسینیشن ٹیمز کے ساتھ تعینات نفری کو ہدایات دی کہ ویکسینیشن ٹیموں کے سیکورٹی کے حوالے سے خاص خیال رکھا جائے تاکہ کسی بھی ناخوشگوار واقعہ سے بچا جاسکے۔