ملتان(بیورو رپورٹ) سیاسی وسماجی شخصیت راؤ محمد خالد نے کہا ہے کہ اس وقت کشمیری عوام کی نظریں پاکستان پر لگی ہوئی ہیں۔ وہ پاکستان کا اپنا مسیحا سمجھتی ہے جو ان کے رستے ہوئے زخموں پر مرحم رکھے گا۔ مگر ہمارے آپس کے اختلافات سے کشمیر کاز کو نقصان پہنچ رہا ہے۔ اقوام متحدہ میں جس انداز سے پاکستانی وزیراعظم عمران خان نے عالمی سطح پر کشمیر کا مقدمہ لڑا اس نے ہر پاکستانی کا سرفخر سے بلند کردیا ہے۔ اب ہمیں قومی یکجہتی کی ضرورت ہے۔ راؤ محمد خالد نے کہا کہ کشمیر کی آزادی ہمارے نظریے کا حصہ ہے مگر کشمیر کی آزادی کیلئے پوری قوم کو متحد ہونا ہوگا۔ راؤ محمد خالد نے کہا کہ کشمیر ہماری شہ رگ ہے اس شہ رگ کو دشمن سے چھڑانے کیلئے پوری قوم کو سیسہ پلائی دیوار بننا ہوگا۔ اس کیلئے حکومتی سطح پر اقدامات کی ضرورت ہے۔ سب سے اہم ضرورت یہ ہے کہ کشمیر کاز کیلئے سیاست سے بالا تر ہوکر قومی پالیسی ترتیب دی جائے تاکہ دشمن کو ہمارے اختلافات سے فائدہ اٹھانے کا موقع نہ ملے۔ انہوں نے کہا کہ عالمی برادری بے حسی چھوڑ کر کشمیری عوام پر ہونے والے ظلم و ستم بند کراوائے اور کشمیری عوام پر بھارتی تسلط کے خاتمے کیلئے اپنا کردار ادا کرے۔
