نوشہرو فیروز (رپورٹ: امداداللہ ملک) مورو سنہری فارم کے قریب زمین کے تکرار پر مسلح افراد نے فائرنگ ایک شخص جانبحق۔ تفصیلات کے مطابق مورو سنہری فارم کے قریب جٹ اور کورائی برادری میں چالیس ایکڑ زمین پر تکرار عرصہ سے تنازعہ چل رہا تھا لیاقت علی ولد رحمت علی جٹ زمینوں پر جارہا تھا کہ کورائی برادری کے مسلح افراد نے فائرنگ کرکے موت کے گھاٹ اتار دیا واقع کی اطلاع ملتے ہی مورو پولیس جائے وقوع پر پہنچ کر نعش کو تحویل میں لے کر پولیس موبائل میں تعلقہ اسپتال لائی جہاں ڈاکٹروں نے ضروری کاروائی کے بعد لاش ورثہ کے حوالے کردی لاش گھر پہنچنے پر گھر میں کہرام مچ گیا۔
