پورٹ لوئس (رپورٹ و تصاویر: محمد عمر) 13 ستمبر كی شام کو لے ہب فینکس ماریشس میں فن پاروں کی نمائش کا افتتاح کیا گیا۔ اس نمائش میں ملک کے نامور آرٹسٹ اپنے طلبہ سمیت شریک ہوئے اور یہ نمائش 29 ستمبر تک جاری رہے گی۔ نمائش میں واٹر کلر، آیکریلک اور چائنیز آرٹ کے علاوہ تصاویر سميت 75 فن پارے شرکاء کی توجہ کا مرکز رہے۔ اتولیے پو تو (ورکشاپ سب کیلئے ) نامی اس آرٹ گیلری کے نگران اور ملک کے دوسرے نامور آرٹسٹس نے پاکستانی آرٹسٹس کے ساتھ نمائش کا اظہار کیا نمائش میں شریک افراد نے مصوروں کے فن پاروں کی دل کھول کر داد دی اور کہا کہ قدرت کے دلکش مناظر کو خوبصورت رنگوں سے مزین کیا جانا واقعی ایک کمال مہارت ہے۔
