اسلام آباد (بیورو رپورٹ) وزیراعظم عمران خان کی زیر صدارت قومی سلامتی کمیٹی کا اجلاس ہوا۔ اجلاس میں اعلیٰ سول اور عسکری قیادت نے شرکت کی۔ وزیر خارجہ اور ڈی جی ملٹری آپریشنز نے شرکاء کو بریفنگ دی۔ قومی سلامتی کمیٹی کے اجلاس میں بھارت کی جانب سے کلسٹر بم حملوں کے بعد کی صورتحال کا جائزہ لیا گیا۔ کمیٹی نے بھارتی فوج کی جانب سے کلسڑ بموں کے استعمال کی شدید مذمت اور عالمی برادری سے بھارتی جارحیت اور اشتعال انگیزی کا نوٹس لینے کا مطالبہ کیا۔ قومی سلامتی کمیٹی نے مقبوضہ کشمیر کی موجودہ صورتحال پر تشویش کا اظہار بھی کیا۔
