ڈیرہ اسماعیل خان (رپورٹ: گوہرغنچہ) ڈپٹی کمشنر ڈیرہ محمد عمیر نے دفعہ 144 ضابطہ فوجداری کے تحت ضلع ڈیرہ اسماعیل خان کی حدود میں ہر قسم کی کھلونا بندوقوں کی خرید و فروخت اور ان کی نقل و حمل پر فوری طور پر پابندی عائد کردی ہے۔ ضلع ڈیرہ اسماعیل خان میں مہلک آتشیں اسلحہ رکھنے، اسلحہ کی نمائش، پٹاخے کریکرز کی اشیاء کی فروخت، گاڑیوں کے کالے شیشوں کے استعمال اورکھلونا بندوقوں کی فروخت پر فوری طور پر ایک ماہ کے لیے دفعہ 144 کے نفاذ کا نوٹیفکیشن جاری کردیا ہے جس کے مطابق ایک ماہ کے لیے مہلک آتشیں اسلحہ رکھنے، اسلحہ کی نمائش، پٹاخے کریکرز کی اشیاء کی فروخت، گاڑیوں کے کالے شیشوں کے استعمال اور کھلونا بندوقوں کی فروخت پر دفعہ 144 کا نفاذ رہے گا۔
