کراچی (رپورٹ: ذیشان حسین) غیر معمولی گرمی کا سلسلہ آج سے شروع، پارہ 40 ڈگری کو چھو جائے گا۔ شہر میں آج سے مئی کے مہینے کے دوسرے ہیٹ ویو کا آغازہو رہا ہے جبکہ محکمہ موسمیات کے مطابق آج ابتدائی روز گرمی کا پارہ 40 سے 42 ڈگری سینٹی گریڈ کے درمیان رہنے کی توقع ہے۔ محکمہ موسمیات کے یکم اپریل سے فعال ہیٹ ویو سینٹر کی جانب سے گزشتہ روز کے الرٹ میں معمولی تبدیلی کی گئی ہے جس کے دوران آج (ہفتہ) کو شہر کا پارہ 40 سے 42 ڈگری کے درمیان رہنے کی توقع ہے تاہم آج 25 مئی سے شروع ہونے والی گرمی کی شدید لہر (ہیٹ ویو) کے دوران شہر میں غیر معمولی گرمی پڑسکتی ہے جس میں اتوار اور پیر کو پارہ 39سے 41 ڈگری کے درمیان رہنے کی توقع ہے۔
